سياسة الخصوصية

كي تعمل حساب : الاسم، البريد الإلكتروني، الجنس، الولاية، المستوى الدراسي والشعبة. كي تشترك في التنبيهات : البريد الإلكتروني والمستوى برك.

كي تستعمل الموقع : عدد الزيارات وعدد الأسئلة المطروحة. ما نجمعوش عنوان الـIP متاعك بصيغة واضحة — نخزنو بصمة مشفّرة برك، تخدمنا باش نمنعو التلاعب.

باش نعرّفوك بالدروس والفروض الجديدة في مستواك، باش نخدمو الحساب متاعك، وباش نحميو الموقع من الاستعمال المفرط. ما نبيعوش البيانات، وما نمرّروهاش لأي طرف آخر لأغراض تجارية.

باش يخدم الموقع، نتعاملو مع خدمات تقنية خارجية (الاستضافة وإرسال البريد). ما يوصلهم كان اللي يلزم باش الخدمة تمشي — مثلا عنوان بريدك باش توصلك الرسالة — وما عندهمش الحقّ يستعملوها لأي غرض آخر.

بيانات الحساب : ما دام الحساب موجود. الاشتراك في التنبيهات : حتى تلغيه. سجلّ الإرسال وبصمات الحماية : أقل من سنة.

تنجم في أي وقت تطلب نسخة من بياناتك، تصحيحها، ولّا حذف حسابك كامل. ابعث لنا من صفحة الاتصال ونجاوبوك في أقرب وقت.

لإلغاء التنبيهات برك، ما تحتاجش تكتبلنا : فمّا رابط في قاع كل رسالة، ولّا من صفحة التفضيلات.

الموقع موجّه لتلاميذ، وأغلبهم قاصرين. إذا عمرك أقل من 16 سنة، استعمل بريد وليّك ولّا اطلب منه الإذن قبل ما تعمل حساب. إذا وليّ لقى حساب لولده ويحب يحذفه، يكتبلنا وننجّموه في نفس اليوم.

كلمات السرّ محفوظة مشفّرة (scrypt)، ما نجمّوش نقراوها. الاتصال بالموقع مشفّر (HTTPS). كي يصير أي خلل يمسّ بياناتك، نعلموك.